சென்னை எழும்பூர், சென்ட்ரலில் இருந்து பல்வேறு விரைவு ரயில்கள் ரத்து செய்யப்பட்டுள்ளதால், பொது மக்களின் வசதிக்காக வெள்ளிக்கிழமை பாஸஞ்ஜர் சிறப்பு ரயில்கள் இயக்கப்படுவதாக தெற்கு ரயில்வே அறிவித்தது.
இது குறித்து வியாழக்கிழமை வெளியிடப்பட்ட செய்திக் குறிப்பு:
சென்னை கடற்கரை - ஹைதராபாத் பாஸஞ்ஜர் சிறப்பு ரயில்: சென்னை கடற்கரையில் இருந்து இந்த ரயில் வெள்ளிக்கிழமை மாலை 4 மணிக்குப் புறப்பட்டு திருவள்ளூர், அரக்கோணம், ரேணிகுண்டா, குண்டூர், நெல்லூர், ஓங்கோல், தெனாலி, விஜயவாடா, வாரங்கல், காசியாபேட், செகந்தராபாத் வழியாக ஹைதராபாத் செல்லும்.
ஜோலார்பேட்டை - திருவனந்தபுரம்: ஜோலார்பேட்டையில் இருந்து இந்த சிறப்பு ரயில் வெள்ளிக்கிழமை காலை 5 மணிக்குப் புறப்பட்டு சேலம், ஈரோடு, பாலக்காடு, எர்ணாகுளம், கொல்லம் ரயில் நிலையங்கள் வழியாக திருவனந்தபுரம் சென்றடையும்.
சென்னை கடற்கரை - திருநெல்வேலி: சென்னை கடற்கரையில் இருந்து இந்த சிறப்பு ரயில் வெள்ளிக்கிழமை காலை 11.30 மணிக்குப் புறப்பட்டு பெரம்பூர், திருவள்ளூர், அரக்கோணம், காட்பாடி, விழுப்புரம், விருத்தாசலம், திருச்சி, திண்டுக்கல், மதுரை, விருதுநகர், கோவில்பட்டி, வாஞ்சி மணியாச்சி வழியாக திருநெல்வேலி சென்றடையும்.
சென்னை கடற்கரை - ராமேஸ்வரம்: சென்னை கடற்கரையில் இருந்து இந்த சிறப்பு ரயில் வெள்ளிக்கிழமை பகல் 12.30 மணிக்குப் புறப்பட்டு பெரம்பூர், திருவள்ளூர், அரக்கோணம், காட்பாடி, ஜோலார்பேட்டை, சேலம், கரூர், திருச்சி, புதுக்கோட்டை, காரைக்குடி, மானாமதுரை வழியாக ராமேசுவரம் சென்றடையும்.
சென்னை கடற்கரை - ஹெளரா: சென்னை கடற்கரையில் இருந்து இந்த சிறப்பு ரயில் வெள்ளிக்கிழமை காலை 8 மணிக்குப் புறப்பட்டு பெரம்பூர், அரக்கோணம், ரேணிகுண்டா, கூடூர், விஜயவாடா, ராஜமுந்தரி, துவ்வாடா, விஜயநகரம், புவனேசுவரம், காரக்பூர் வழியாக ஹெளரா சென்றடையும்.
அரக்கோணம் - மும்பை சிஎஸ்டி: அரக்கோணத்தில் இருந்து வெள்ளிக்கிழமை இந்த சிறப்பு ரயில் காலை 8.20 மணிக்குப் புறப்பட்டு ரேணிகுண்டா, ராஜம்பேட்டை, கடப்பா, எரகுண்டலா, தாதிபத்ரி, கூட்டி, குண்டக்கல், அதோனி, மந்த்ராலயம் சாலை, ராய்சூர், வாடி, சோலாப்பூர், புணே, கல்யாண் வழியாக மும்பை சிஎஸ்டி சென்றடையும்.