அப்துல்கலாமின் அறிவியல் ஆலோசகர் வி.பொன்ராஜ் பங்கேற்ற கலாம் பாசறை சந்திப்பு நிகழ்ச்சியில், எடை குறைவான ஹெல்மெட் தயாரிக்கவேண்டுமென்ற கோரிக்கையை காரைக்கால்
பள்ளி விரிவுரையாளர் முன்வைத்து பாராட்டு பெற்றார்.
சென்னையில் உள்ள கோடம்பாக்கம் நல்லோர் வட்டம் சார்பில் ஏற்பாடு செய்யப்பட்டிருந்த கலாம் பாசறை சந்திப்பு நிகழ்ச்சி அண்மையில் நடைபெற்றது. இதில் மறைந்த குடியரசு முன்னாள் தலைவர் ஏ.பி.ஜெ.அப்துல் கலாமின் அறிவியல் ஆலோசகர் வி.பொன்ராஜ் கலந்துகொண்டார். இக்கருத்தரங்கில் பங்கேற்று, பாராட்டு பெறும் வகையிலான கருத்தை வெளியிட்ட காரைக்கால் தந்தைப் பெரியார் அரசு மேல்நிலைப்பள்ளி வேதியல் விரிவுரையாளர் எஸ்.சித்ரா, 4 கிலோ எடையிலிருந்த மாற்றுத் திறனாளிகளுக்கான செயற்கை காலை 400 கிராம் எடையில் தயாரித்ததாக கலாம் கூறியிருந்தார். அதுபோல, கார்பன் கூட்டுப் பொருளைக் கொண்டு ஹெல்மெட் தயாரிக்க முடியுமா, முடியும் என்றால் தயங்காமல் தயாரிப்புக்கான நடவடிக்கை எடுக்கவேண்டுமென ஆலோசனை கூறியிருந்தேன்.
இதனை மிகச்சிறந்த ஆலோசனை என்ற கலாமின் அறிவியல் ஆலோசகர் வி.பொன்ராஜ், தயாரிக்க முடியும் என்ற பதிலைத் தந்தார். அரங்கத்தில் இருந்தோரும் இந்த ஆலோசனைக்கு பாராட்டு தெரிவித்தனர்.