ரிசர்வ் வங்கியின் 'ரெப்போ' வட்டி வீதம் திடீர் குறைப்பு: தனி நபர், வாகனம், வீட்டு கடனுக்கு வட்டி குறையும்
ரிசர்வ் வங்கி, நேற்று, திடீரென வங்கிகளுக்கான, 'ரெப்போ' வட்டி வீதத்தை
, 0.25 சதவீதம் குறைத்துள்ளது. கடந்த இரண்டு மாதங்களில், இரு முறை வட்டி குறைக்கப்பட்டிருப்பது பலரையும் வியப்பில் ஆழ்த்தியுள்ளது. இதனால், தனிநபர், வீட்டுக் கடன் மற்றும் வாகன கடன் வட்டி வீதங்கள் குறையும். பட்ஜெட்டில்
அறிவிக்கப்பட்ட சீர்திருத்த திட்டங்கள், பணவீக்க குறைவு போன்றவற்றால், ரிசர்வ் வங்கி இந்த நடவடிக்கையை எடுத்துள்ளது. ஏற்கனவே கடன் வாங்கியவர்களின், மாதாந்திர தவணை (இ.எம்.ஐ.,) சுமையும் குறையும் என எதிர்பார்க்கப்படுகிறது.