தேனி மாவட்டத்தில் அரசுத் துறைகளில் பணியாற்றி மாதம் ரூ.20 ஆயிரத்துக்கும் மேல் ஓய்வூதியம் பெறுவோர், பிப்.18ஆம் தேதிக்குள் சார் நிலை கருவூலங்களில் வருமான வரி படிவம் சமர்ப்பிக்கலாம்
என்று அறிவிக்கப்பட்டுள்ளது.
இது குறித்து மாவட்ட ஆட்சியர் ந. வெங்கடாச்சலம் வெளியிட்டுள்ள அறிவிப்பு: அரசு மூலம் மாதம் ரூ.20 ஆயிரத்துக்கும் மேல் ஓய்வூதியம் பெறும் 58 வயதுக்கு மேற்பட்ட ஓய்வூதியர்கள், ரூ.25 ஆயிரத்து 500-க்கும் மேல்
ஓய்வூதியம் பெறும் 60 வயதுக்கும் மேற்பட்ட ஓய்வூதியர்கள், ரூ.41 ஆயிரத்து 500-க்கும் மேல் ஓய்வூதியம் பெறும் 80 வயதுக்கும் மேற்பட்ட ஓய்வூதியர்கள் தங்களது 2014-15ஆம் ஆண்டுக்கான வருமான வரி படிவத்தை வரி சேமிப்பு ஆதாரங்களை இணைத்து பிப்.18ஆம் தேதிக்குள் சம்பந்தப்பட்ட பகுதிகளில் உள்ள சார் நிலை கருவூலங்களில் சமர்ப்பிக்கலாம் என்று அறிவிக்கப்பட்டுள்ளது.