சுதந்திர தினத்தை முன்னிட்டு பி.எஸ்.என்.எல். நிறுவனம் 2 ஜி, 3 ஜி வாடிக்கையாளர்களுக்கு சிறப்பு சலுகைகளை அளித்துள்ளது. இதுகுறித்து திருநெல்வேலி தொலைத்தொடர்பு மாவட்ட பொதுமேலாளர் முருகானந்தம் வெளியிட்ட செய்திக்குறிப்பில் கூறியிருப்பதாவது:
சுதந்திர தினத்தை முன்னிட்டு சிறப்பு சலுகையாக பி.எஸ்.என்.எல். நிறுவனம்
2 ஜி, 3 ஜி வாடிக்கை யாளர்களுக்கு 14 ம் தேதி முதல் நவம்பர் 11ம் தேதி வரை 90 நாள்களுக்கு சிறப்புச் சலுகைகள் அளித்துள்ளது.
அதன்படி ரூ.100, ரூ.150, ரூ. 250 மற்றும் ரூ.350-க்கு செய்யப்படும் ’சி’ டாப் அப்களுக்கு முழு டாக்டைம் வழங்குகிறது.
மேலும், ரூ. 550 மற்றும் ரூ.750- க்கு செய்யப்படும் ’சி’ டாப் அப்களுக்கு முறையே ரூ. 575, ரூ. 790-க்கான டாக் டைம் வழங்குகிறது.ஏற்கெனவே நடைமுறையில் உள்ள குறைந்தபட்ச கட்டணத்தை விட கூடுதல் டாக்டைம் வழங்கும் சி-டாப் அப் வவுச்சர்களுடைய டாக்டைம் அதிகமாக இருந்தால், ஏற்கெனவே அறிவிக்கப்பட்ட அந்த கூடுதல் சலுகைக் கட்டணம் பொருந்தும்
ரூ.561 சிறப்புக் கட்டண டேட்டா வவுச்சருக்கான வேலிடிட்டி 30 முதல் 60 நாள்களுக்கு நீடிக்கப்படுகிறது. இதில் 5 ஜி.பி. இலவசமாக பயன்படுத்தலாம். மேலும், கூடுதல் டேட்டாபயன்பாட்டுக்கு ஒவ்வொரு 10 கே.பி.க்கும் 2 பைசா கட்டணம் ஆகும்.ரூ.821 சிறப்புக் கட்டண டேட்டா வவுச்சருக்கான வேலிடிட்டி 60 முதல் 90 நாள்களுக்கு நீடிக்கப்படுகிறது. இதில் 7 ஜி.பி. இலவசமாக பயன்படுத்தலாம். கூடுதல் டேட்டா பயன்பாட்டுக்கு ஒவ்வொரு 10 கே.பி.க்கும் 2 பைசா கட்டணம் ஆகும். ரூ.1011 சிறப்புக் கட்டண டேட்டா வவுச்சருக்கான வேலிடிட்டி 30 முதல் 90 நாள்களுக்கு நீடிக்கப்படுகிறது. இதில் 10 ஜி.பி. இலவசமாகப் பெறலாம்.மேலும், கூடுதல் டேட்டா பயன்பாட்டுக்கு ஒவ்வொரு கே.பி.க்கும் 2 பைசா கட்டணம் வசூலிக்கப்படும். இதேபோல் ரூ.1949 சிறப்புக்கட்டண டேட்டா வவுச்சருக்கான வேலிடிட்டி 60 முதல் 90 நாள்களுக்கு நீட்டிக்கப்பட்டுள்ளது. இதில் 20 ஜி.பி. இலவசமாகப் பெறலாம். கூடுதல் டேட்டா பயன்பாட்டுக்கு ஒவ்வொரு 10 கே.பி.க்கும் 2 பைசா கட்டணம் ஆகும். இந்த சிறப்பு சலுகை சென்னை உள்பட தமிழ்நாடு தொலைத்தொடர்பு வட்டத்தில் உள்ள வாடிக்கையாளர்களுக்கு அளிக்கப்பட்டுள்ளது. எனவே இந்த சலுகையை வாடிக்கையாளர்கள் பெற்று பயனடையலாம் என்று தெரிவித்துள்ளார்.